Capel y Morfa, Aberystwyth

Mae Capel y Morfa yn eglwys fyw, deuluol ei naws. Rydym yn cynnal gwasanaethau ac Ysgol Sul ar y Sul a chylch gweddi ac astudiaeth Feiblaidd yn ystod yr wythnos. Yn rhan o’n tystiolaeth yn nhref Aberystwyth rydym yn cynnal Morlan, canolfan ffydd a diwylliant, sydd yn ceisio codi pontydd rhwng yr eglwys a’r gymdeithas. Ceisiwn bob amser ymateb i anghenion trwy fugeilio, croesawu, cyfrannu, gwasanaethu ac estyn cariad yn enw Iesu Grist.